係囉，佢咁多心力又唔見佢踩對家果咋kol100？
佢係要追擊做得唔好嘅黃絲無問題，但又唔追擊藍絲？數黎數都都係偽黃3家姐，仲要叫人唔好罷食藍店？好明顯條友高級藍扮黃分化啦
1個讚
其實捐錢俾任何人任何機構真係講個信字，你捐俾出名既NGO，都可能係俾NGO高層用黎叫雞架咋。我自己就只係捐過俾612，612前排都俾人鬥過亂用錢，但我眼見佢地有起運動度幫忙，我覺得可以接受。龍門可能真係收倒一筆巨款，但張老闆講公開晒好容易俾人屈洗黑錢，星火都有辦你睇，星火700萬就咁俾人凍結，最後一蚊都幫唔倒手足又係咪最好既結局？
2個讚
有人覺得捐1蚊不夠黃
要捐2蚊先夠
有人覺得捐2蚊都唔夠黃
要捐3蚊才夠
有人覺得捐3蚊都不夠黃
因為隔離捐緊4蚊
結果大家鬥黃
其實龍門真係有幫手足的
只係這種幫忙未必人人滿足
但是如果搞到龍門退場
連1蚊都不再拿出來
損失的也只有手足
所以唔幫襯唔緊要
唔好內鬥分化 
像我們這些C9 想幫寶寶買文具
又唔知點幫
咁國難的出現就解決了問題
家長課金國難
國難平賣文具比寶寶
同路人課金比龍門
龍門出糧請手足做嘢
如果Wiki 誠哥都黃黃地
咁真係冇需要追住龍門來鬧 
2個讚
最唔想見到咁樣 
平時行過葵廣見到小店擺籌款箱賣下貼紙卡仔，
話會捐比文宣組
我每次都會買
少少錢唔緊要
只要幫到手足同寶寶
其實我冇fc 究竟佢地係唔係真幫
亦冇fc 佢地係唔係真文宣組
但我信佢地
因為6月已經有貼文宣
扮黃都冇咁早啦
咁早只有真黃
只要係真黃
我都會支持的
黃店愈來愈多
大家自己分析衡量吓
但係如果有店藍扮黃或藍轉黃都係好事來XD
我地要令更多店由藍轉黃或綠轉黃
而唔係黃店鬥黃
有時我唔係好明
佢家人係警察但佢冇撐警
咁已經好足夠啦
起碼仲有良知理智冇盲撐
點解又要批鬥埋佢
遲下鬥到人地變藍撐警仲衰
(又係鬥黃…)
因為三9姐自己大話連篇，虛偽到爆，借黃攞光環實質只係想cap水
1個讚
下星期是 5.1 黃金周
日日都黃店challenge
終於可以鬥(食得多)黃(店) 啦 
到時我食到好嘢貼上來和大家分享下 
1個讚
佢批鬥3家姐其中一樣話佢係黑警家屬又要扮黃姐，其他point同佢鬧人妻先生一樣話佢無料扮四條
今時今日高登post 哂d 證據都話鬧龍門係分化， 我對你哋真係好失望
不分化不割蓆係講緊前線手足做任何傷害對家行為， 和理非都不分化不割蓆
同樣， 和理非既抗爭前線手足都要包容， 唔好笑和理非既「
今天我」
但唔包括任何傷害手足既行為
而龍門而家做緊傷害手足既行為喎！我衰啲講句， 都唔知係咪中共派落嚟吸家長捐款， 等前線手足因經濟問題放棄抗爭
龍門冰室自己賺幾多錢當然冇問題
但捐款箱入面既錢就應該係for 支援抗爭
一間黃店鬧就話啫， 但而家間間黃店鬧緊喎？
我哋點解係黃絲， 因為我哋係勇於追尋真相有獨立思考，我哋唔係阿叻， 個個變晒「我唔知， 我睇唔到」一直話手足唔係condom但而家見到手足俾人蝦俾人剝削， 甚至家長d 錢落唔到前線全部去晒張俊傑銀包， 咁而家就要當呢班全部都係condom ?
以下高登Post 出嚟既證據
1個讚
我唔知點解依排個個都係度批鬥，重要批鬥d好出名，最易up得出名個幾間食店。
我都有買龍門的盆菜，我覺得好好食，料多，對得起個價，成千六蚊架。
老實講，冷氣軍師好易做，分化都好易，但大家仲記唔記得「槍口向外」，場仗都未打完，仲乜搞內戰。
我選擇左信龍門個老細，因為我係理大舊生，當日佢拎食材走去理大教學生煮野食依個行為，我自問都無勇氣做到，因為無人知下一刻警方幾時突襲，幾時俾人拉。個下我好敬佩佢，好多謝佢幫左我的學弟學妹，至少佢地有得食。
當然不喜歡可以不幫襯佢，咁咪幫襯其他黃店，但我仍然是會支持佢，佢真又好假意又好，佢的確幫左我的學弟學妹，咪當報答佢的恩。而家諗返起，我都好心痛。
不分化，不割席，槍口向外。
4個讚
呢樣都好批鬥？
大力讚添啦
最好讚到其他黑警家屬一齊出來扮黃割黑警蓆
咁我地就成功啦 
(有姐妹話佢cap 水，咁另計。
我追呢d 嘢唔係太貼
平時寧願上twitter 打國際戰線
或者上 bbc cnn 的fb page 鬧d 五毛)
係佢姐夫係警po
佢叫人當佢係樹洞dm佢，或者同佢傾下d屈左係心好耐好辛苦既野！
而由頭到尾佢都無利申過！
另，有人搵過佢係瑞典幫手，然後佢推左，話怕俾小粉紅搞
我也是這樣想的，
就像泛民一樣
佢地唔係完美議員
有時都on99 做錯嘢
但係真心又好假意又好
上過前線食催淚彈食胡椒噴劑的
企過係黑警同手足之間為手足爭取時間走的
我全部都會記得
11月我會全家投票報恩
咁你咪選擇吾再信佢囉！
我覺得而家要對凖敵人, 不要再分化。
你浪費時間對死左龍門, 吾会幫到香港人。
5.1 去幫襯多的黄店, 要上街, 要簽名, 要文宣, 打外國缐。。。。。。。做番的團結嘅野吧!
7個讚
我都有睇，佢批鬥3家姐都算，但龍門單野，其實佢拎晒證據出黎，信就唔好再幫趁，有必要繼續做大令佢發酵？俾對家拎黎做新聞？仲話咩好食藍店唔應該趕盡殺絕，而家對家就係趕盡我地黃圈，日日黑警去唔同黃店掃場！
咩叫槍口向外/無分裂嘅本錢？14年我地點樣輸？兄弟爬山各自努力，我唔同意你收$10捐$1，我自己咪做捐$10果個囉，好似其他黃店咁，明眼人睇到都會自動搵自己相信嘅渠道去科水，鬥黃係同自己鬥
1個讚
好耐都無follow佢，開頭踢爆陪月真係幾大快人心，最緊要佢係有fc。但之後就⋯好似過咗火，有啲為鬧而鬧咁。
人西group Anita Wong語氣可能有啲差，但係因為佢我先知龍門收埋咁多家長捐款，自己袋哂，仲要蝦啲手足 。
我覺得唔叫分化，因為佢只係講事實出黎。佢唔搞大件事，啲家長就會繼續捐錢比龍門，以為幫到手足。
起碼大家依家都持觀望態度，唔好再透過龍門捐錢。支持其他細黃店啦，佢地生意都唔易做。
5個讚
其實無需要鬧其他人係分化L，畢竟大家冇辦法證明佢哋講嘅嘢係假。相信龍門嘅人可繼續幫襯，唔認同嘅，黃色食肆亦唔只一間，如果只係做大一間黃店，亦都唔健康。最好就係去幫襯不同黃店，盡量令所有黃店捱過呢段時間，令黃色經濟圈裏所有店舖一齊壯大。至於捐款，除咗龍門，亦可經其他渠道，例如蕭若元旗下食店，大家不妨分享吓其他捐款渠道或途徑，總比不斷係呢件事件上爭拗好。
3個讚
Ta姐講既野吾係完全無道理，我覺得最大問題係壠壠van同點處理捐款條數，張生用捐款去幫年青人，呢盤數我覺得一定要向外披露，仲要有幾個吾同界別既人監察住，同埋龍門d野真係好難食係一個事實，而張生事實又真係有幫過手足，但呢個人係計算住拎左幾多出黎就可以收得返幾多先去做，做生意就係甘，而黃色經濟圈既目的根本吾係要做到一面倒去幫襯一間黃鋪，亦都吾係贖罪卷，所以真係吾需要日日夜夜出黎宣傳自己有幾黃，黃圈目的係要做到所有黃店都有能力去對抗藍店，從而另藍店執笠，分散去幫襯其他黃店先最重要，而黃店同黃店之間應該要互惠互利，例如黃店幫襯返黃店既裝修，運輸等，質素先會有保證，你吾熟果行根本就吾應該去做，當然各人都有自己既睇法，你可以吾認同我，只要理性討論就得了
6個讚
之前聽佢揭人真面目係幾好笑容
但而家只係不停批鬥同路人，鬥黃，
唔睇喇。