係呀!太飽又嘔,太餓又嘔,想死
你都要加油呀!
辛苦了,媽媽,
係呀!一齊努力
好,我仲搵緊食咩會冇咁嘔,真係好辛苦,但只偏食一樣,又冇營養,食其他,又想嘔,好煩惱
我食唔到粥,食完又嘔
係呀!嘔到胃抽筋
但嘔真係好辛苦,仲要返工個下先難受
刷牙最難頂，一邊刷一邊嘔
我而家13週，覺得胃口差左好多，好似仲衰過初初，成日都覺得頂住頂住，入夜開始仲嚴重
一般都係毆到三個幾月
放鬆啲唔好緊張
我陀我個女由未夠時候驗孕已開始嘔，要帶膠袋傍身
逢食都嘔，多次入院，包括農曆新年，嘔到七個幾月才舒緩間中嘔
臨盆當嘔到鼻都出埋
所以冇生第二個
我都係呀，過左12週仲嘔，刷牙先最辛苦，有時仲唔小心吞左牙膏落肚
食流質野會仲想嘔架!! 我都係食麵包、餅個啲感覺會舒服啲。
我5weeks開始嘔，食咩嘔咩飲水都嘔一日嘔十幾次，嘔到個胃出血入院吊鹽水。啲人話3個月會好啲但我3個月嗰陣都係keep住一日十幾次，然後因為個人太乾發燒再入醫院，個人乾到血都抽唔到要吊幾包鹽水先抽到血，我頭3個月輕左廿幾磅血壓過低。可能我本身身體唔太好，到而家7個幾月都仲有嘔，不過無之前咁誇張。我頭幾個月試過好多止嘔方法都無用，咩止嘔帶呀薑呀檸檬呀梳打餅呀都無用，醫院姑娘叫我食啲乾身野無咁易嘔，但我覺得咁仲辛苦，因為少水份嘔既時候好似卡住左咁。所以嗰陣時我食野唔係食自己想食既，係食自己想嘔既，食啲嘔出黎無咁辛苦既野
酸同辣就一定唔食，因為會嘔得好辛苦，我會食甜既橙，嘔得舒服啲。去到4個月就食芒果，我覺得對我黎講芒果叫止嘔，食完嘔少左，屋企啲老人家叫唔好食咩個b會有濕疹，但係除左芒果我無野擺得落口，連野都食唔到唔好話個b健唔健康啦，所以我無理食到咩就食咩起碼有野落肚先。我覺得你都可以試下芒果，不過唔好食酸既，食甜既。（sor有啲長
）
我有咗嗰陣只係頭三個月嗰陣朝早起身同搭車嗰陣個胃會超唔舒服同好想嘔，我會放定啲梳打餅喺床頭坐起身之前食咗餅落肚先，出街就戴住防暈手帶，好似有啲幫助嘅，不過唔肯定真係有用定係係placebo effect
我用過！不過覺得無咩用，有粒硬既野整住個穴位
我陀第一胎時又係嘔到死死下，試過好多方法都搞唔掂，最終辛苦到入咗醫院吊鹽水，吊咗幾日叫做舒服啲，但係返到屋企幾日又再嘔過，但過了三個月之後，真係慢慢開始停止嘔吐，之後再補充返多啲營養。