係, 但我真係暫時搵唔到有更好既選擇.
由68轉左著pj覺得真係有變化
台灣bra可以睇下港島呢間黃小店啱唔啱
見人哋推薦過，不過離我太遠無去，佢做到10/25就結業了
大家有冇著瞓覺bra? 係咪真係對胸部有幫助
呢間淘寶野
請問Victoria Secret 歐美cutting 著上身即係咩效果？自然d？
我之前都有幫襯，但後來見mic就冇點去過
同埋大肚，佢d bra都唔啱我著
Mode marie 真係幾舒服 好著過satami
< Wacoal >
著過咁多種牌子入面算係最刮肉
背帶刮、肩帶刮、包副乳位又刮
用料係就係夠firm夠sturdy，整形有效果又幾襟著，但係我諗冇人會忍到日日戴住佢嚟受刑
同埋佢啲料真係堅唔透氣，夏天著住佢慘過食兩舊屎
再加多個同埋，年中聽唔少人喺度買bra試嗰陣啱著，買到返屋企就唔啱著，我都唔知點解
< Satami >
佢係塑形同舒服嘅正中間位，叫做攞到個幾好嘅平衡
入面係棉餡所以好軟熟，包得好好冇空位又唔會話勒住勒住，透氣度普通，不過好可惜背帶都係刮刮哋肉
不過我唔係幾鐘意呢個牌子成日冇我碼，我著開32，冇貨佢就會塞34甚至係36畀你叫你改帶，又要等1個禮拜先可以返去拎，而且門市啲人好hea，問佢嘢都唔係好肯答你
細圍大碼除咗佢之外香港都冇乜牌子可以揀，佢仲要有啲款係幾靚幾girlish，睇落唔會太老，又叫做幾平，做完會員仲有折，我都考慮緊下次買唔買返佢好
< Narue >
香港分店執笠之前去過執平嘢，唔知係咪因為好多碼俾人掃曬所以冇乜碼數揀
嗱，講舒服佢又真係好舒服，全棉料一體成型完全冇刮肉位
不過舒服嘅代價係冇承托冇塑形冇胸型揀，而且佢好多款有勁多層lace著薄衫會透，所以只能夠當日常屋企bra戴
我覺得佢定位係針對學生妹多啲，款靚又可愛，務求包到個胸就算嗰隻
有少少要求都唔會啱你著
< Intimissimi >
一分錢一分貨，用料真係靚，我買嗰2個都係貼身薄bra，貼合度又高包得好好，透氣度幾高，夏天戴住佢返工出街都冇乜負擔
而且佢啲款真係靚，exotic得嚟唔會太誇，要成熟有成熟要少女有少女
我鐘意佢多圓杯款，胸型托得好自然
簡單講，整形同舒服真係spectrum嘅2個極端
要有整形效果就冇得舒服；要舒服就唔可以整形
身為自暴自棄嘅中女我而家都係偏向揀舒服多，橫掂啲肉已經鬆咗著乜都唔會好似以前咁挺
我想搵機洗都唔變型又包得好既，唔知除左her own words仲有邊間可以
我都試過好幾間，未有結果
唯有換密D
太多不能機洗，一洗就飛邊，唉
但我真不會手洗
留名學野… thx sharing
Mode marie 幫襯過幾次，唔差嘅，不過我怕咗佢啲sales，間間舖都係霸氣嬸嬸嚟，有佢哋講冇人講，有啲仲極無禮貌，拜拜了
而家都係著返satami算。
呢個post 好實用，見好多人都介紹Mode Marie, 搞到我都想試下。
之前去過某間鋪買Bra, 想搵D 薄D唔好咁Push嘅Bra, 點知我被個Sales姨姨串我，A杯就緊係要厚D啦
我就怕咗去呢D有Sales嘅鋪頭了~我咁耐都係著Sport Bra, 我都想改變一下~
我都買過，但cheap cheap的我，買咗兩個之個就上台灣睇吓有冇同款嘅特價貨
因為方便？
但會唔會hold唔到D肉？
我個胸無咩肉, 加上疫情前做成日做運動，所以都無咩所謂 (係有少少副乳)
我見Mode Marie 個網都有標價，係幾貴，但偶爾都想扮吓靚嘅，唔通成日都著68, 洗多幾次就變曬型又唔好著。
扮靚可以試下peach john
日系款不過我未買過，等其他sis包膠
https://www.peachjohn.asia/product-detail.php?pdid=2041
1個讚