我老婆凌晨穿水，因為之前check 左有b 鍊
要即刻入院滴抗生素
佢由7am 入院，12noon 打催生，到9pm 先生到
個頭會開始進入盤腔入面，醫生摸肚會講到比你知架。不過32週仲早，未有咁快。
原來係咁，希望到時一切順利啦。第一胎好緊張
係啊，真係好彩唔係淩晨。
估唔到阿仔未出世就要同佢計住d婆仔數。
我嗰時有少少紅係穿水無作動入院，瞓左兩晚見住周圍媽咪入院，推入產房但自己一啲作靜都無。。。到左過左預產期3日有多少少紅先話同我催生，我係CC 然自己行入產房，仲好得戚咁問一陣邊part 最痛? 護士長話part part都痛㗎喎~ 咩你唔check 清楚生仔痛唔痛先生㗎咩～ 如是者我打完催生針痛到半死都生唔出，聞氣無幫助。。。最後打埋無痛都好Q 痛都只開得2，3度，無痛係呃人架!嗚嗚嗚。。。。就係咁我由朝早10點開始瞓上生產床到夜晚11點11分先生得出。。。足足13個鐘，一世難忘。。。。。跟住我立即一口氣chur 左375錫蘭0檬茶，事關嗰朝我咩都無食過，水都無飲過一啖。。。。。。
39w2d半夜4點小小m痛，去廁所就見紅，冇食早餐即刻去醫院，6點去到做一輪檢查已開2度，即刻落産房人工穿水吊催生，我勁肚餓唔準食嘢，淨係俾左包蘋果汁我！助生産士預計我14：00生出，最後可能太餓冇力試生一個鐘唔成功，要剪&産拑，15：20才出世
（以為去到醫院有排都未有得生，所以就冇食嘢冇力生，所以食嘢好緊要）
BB過期唔出黎
約左一個日子做催生
點知撞正山竹要提早一日入院
生果陣10號風球瞓係產房張床望住出面大風大雨仲要隻窗砰砰聲
助產士同我講唔洗驚唔會生生下吹爆玻璃既應該
一邊等開度數一邊聽住出面大風大雨
瞓著左幾轉都未生得
養一個要咁多錢梗係同佢計住喇同埋等生個陣真係無野做～唯有諗下呢d野
1個讚
所以個個都話見紅最重要食野沖涼
咁你係生完過左幾耐先沖涼呀？成身身水身汗即刻沖定係過左幾日先沖涼洗頭呀？
下你對無痛無反應？想問下你係響邊間生呀？ 
Hello你收唔收到pm
我預產期係4月28 你邊間生
屯門醫院
我響st paul呀
2個女都係屋企訓訓下穿水先
真心覺得穿水先都幾好 可以直接入產房
我生左2個都未入過產前房
成日聽啲媽媽話係產前房無人理
我以為我自己留咗言
劇情嘅發展同我一模一樣嘅
都係3個鐘
喺正預產期
1個讚
好坦白 , 冇想像中咁痛, 可能我揀左政府已經有晒心理準備
第一胎, 預產當晚晚飯後肚開始有d感覺, 以為平時d假宮縮, 一路照平時沖涼上床瞓, 去到~1am覺得唔對路, 愈來愈痛+密, 是但食d野~4am去醫院
全晚痛到冇瞓過, lunch只係食到幾啖粥, 一路痛到4pm終於落得產房, 有笑氣簡直係解脫
聽到開得4, 一路痛呀聞呀, 終於開到咁上下人手穿水, 到~6:30pm先剪左下再真空吸出黎 (由痛到生~20hrs)
去到產房度數開到咁上下唔比用力係最最痛, 比用力&生&剪反而冇咁痛,
呼吸好有用, 要練下,
食到野儘量食, 我用得力生果幾下我係覺得勁肚餓!!!
真空吸所以老公出左去,
縫左三針傷口整齊
媽媽加油!!!
p. s. 我老公陪產, 佢話我果陣個樣好似就黎唔得咁
早早請定假
都要到預產期前三日先有徵兆
見到血水
然後再自行入院
我女而家即將8歲，回想當年生佢係39WK4，個天岩岩光，突然間一下細穿水,即刻衝入廁所一睇…呆左
因為我見到一灘墨綠色既東東，完全唔知咩黎…當時既我第一時間即刻上BK出PO問點解係咁既色…因為成個孕期都冇聽過或見過呢個情況…
好快有人回PO…原來係個B既胎糞加埋胎水，就有我咁既情況…佢地話好緊急唔可以再嘥時間要即刻入醫院啦…咁我就即刻入院
入到院直入產房，檢查各樣…直到生阿女出黎足足22個鐘…去到生時真係爭啲唔夠力PUSH佢出黎，好彩後尾都成功，唔洗食全餐
哈哈咁啱呀～～
我自己都估唔到會快成咁
好多人都話我如果再生第二胎
要提早係醫院訓