見紅後，係咪冇得入醫院？俾人打回頭，再作動先入醫院？？
我仲係第一胎！快到連啲姑娘都唔信！原本我老公打算係醫院等到入産房，但係啲姑娘叫佢返屋企！話我第一胎有排等！最後我老公趕唔切入産房！個女就出咗世啦！
有咩秘訣咁快生到？係咪真係要做運動行多啲路上樓梯？
我係凌晨2點幾穿水！穿水過下好似呀B好大力踢咗個肚一下咁，就feel到好似穿咗水了！
38週，陣痛入院
即沖涼食麵，之後拎袋入院
真係請教下點樣可以咁快生到～
羨慕羨慕呀！
有架，我係半夜見紅，第日中午即刻入院，平安無事住左一晚，到第二晚先開始陣痛
第一定第二胎？
行樓梯是假的，我果陣都信左，肚又大，辛苦自己咋！
我真係唔知！我係連咩孕婦瑜伽都無做過，亦無尊登去行樓梯！但係開得好快，係産前房開到4指，落到産房已經話見到bb啦
第一胎呀！囡囡上年出世
呼吸法
止痛機
瑜珈波
香薰療法
笑氣
止痛針
無痛分娩
基本上瑪嘉烈提供的止痛方法我都用晒 LOL
可能因為我超驚痛，係咁喊，姑娘都嫌我煩膠，乜都比我用 
1個讚
第一胎無得陪，咁你當時應該好驚
我33週5, 下個月就清胎毒
希望下個月順產順順利利！！！
呢段時間冇得陪產，仲要戴口罩生仔
1個讚
我都覺得個肚咁大行樓梯好辛苦
我都冇特別去行
但我有d 同事話有用
可能對唔同人有唔同效果
1個讚
講真我無咩感覺覺
過刻淨係想快啲痾佢出黎
快快脆脆搞掂佢
我又講下幾年前嘅經歷， 過左預產期五日完全冇動靜， 第六日朝早起身有啫喱分秘，完全冇痛冇盛， 都照入院啦，比人送左上房， 隔離床果啲叫到好淒厲， 好慘咁我行行企企咁無所事事，叫姑娘比我走啦， 我約左過幾日先催生, 姑娘叫我等聽朝醫生巡房先同醫生講啦
點知到半夜， 開始有少少肚痛，成晚隔一陣就痛下咁，如是者我痛到朝早、下午，姑娘睇左幾次都係得兩度，真係頂唔順， 當年係威記因爲唔知漏氣定乜冇笑氣的時間， 求姑娘比我做無痛， 求左好多次，到夜晚18點幾， 姑娘終於叫我換衫去產房
期間keep住二至五分鐘陣痛一次
換好衫等到十點幾，終於可以去打無痛， 點知個麻醉醫生拮左九針，拍拍拍拮入去撩完又撩咁話搵唔到血管， 剩返一個位， 如果再唔得就冇得打無痛，我即刻…
， 然後佢又話不如叫抽血員上來試下啦，我梗係話好啦
然後抽血員上來，拍拍拍！拮！ 得左， 果下勁開心， 然後再望下瘀晒嘅手臂，手腕…點解唔一早叫人來幫手？
搞到夜晚兩點幾， 終於唔痛啦， 痛左成日， 好累，訓左，訓到第二朝八點
冇錯， 由尋晚肚痛開始，已經過左超過一日， 而我推上產房開始都老公都係冇得陪， 一直出面等， 當然我訓著左之後係通知唔到佢訓著左， 佢響出面成晚厠所都唔敢去…
訓醒勁口渴口乾，求姑娘比少少水我飲（打無痛唔比飲水）乞求之下我得到一舊濕嘅棉花，好珍惜咁嗒，嗒完都唔捨得放
到中午， 姑娘減藥，開始好痛， 腰骨好痛，盤骨好痛， 我痛到著住件後面好大個窿嘅手術衫，手同背脊插左針都唔理，跪扒左響個生仔櫈上面，有個姑娘叫我唔好咁啦，另一個姑娘又話尤得佢啦咁，隔左一陣唔痛啦，我又訓返好，佢地望住個電腦芒，話你可以試下push啦！
煎熬左一日兩夜，冇乜食野又冇水飲， 真係叫都冇力， 試左幾下，我話唔得啦，生唔到啦，姑娘話，冇架，冇人幫到你啦，你自己試下啦， 生完先有水飲架。於是我出力push，但唔知要長谷，谷到一半縮返入去， 又比姑娘鬧： 哎呀，要一次過架， 呢個時候姑娘問使唔使叫你先生入來呀？呢個時候真係問我咩我自己都唔知，完全唔記得出面有個等左成晚嘅老公，我話唔使啦，唔叫啦。 呢個時候房入面電話響話老公出面打入來， 問情況點之類， 我先話好啦比佢入尼，呢個時候又痛啦，我冇等佢入來又push, 到老公入來push 多下就出來啦
成件事老公入來幾分鐘就走得， 我生完之後係冇人比水我飲， 兩點幾生完，四點幾先有醫生帶住六七個學生入來同我聯針，腿張開咁比一班人圍住， 我仲聽到其中一個問：聯成點呀？ 另一個答：唔！都ok la!
我心諗咁如果唔ok係咪要再聯過？
最後再晾到下午六點幾，終於有得落病房啦！
～完～
2個讚
我想問下無痛係咪真係打完開到9度都唔痛架？我睇youtube個d打完好輕鬆咁… 你建唔建議打呀？
1個讚
臨生減藥一樣會痛， 聯針唔痛
1個讚
但係起碼如果真係生幾十個鐘，中間就唔會痛… 可以去到埋門一腳先痛一陣