我陣痛果呼氣果時用力屙,屙左個幾鐘先有姑娘同我講叫我呼氣既時候放鬆,我喺陣痛既時候用晒力,到最後要吸個b出黎 
我第一胎40周入院催生左28小時先出世, 痛到我唔敢再生
第二胎39周提早入院催生, 點知三個護士都check唔到我穿左羊水未, 最後有個好老好有經驗嘅醫生一check就话我一早穿左, 佢check完就陣痛到生只係用左40分鐘
餵奶要通乳塞
每日好似自虐咁, 而且一日六次八次, 每次一個鐘, 虐足一個月先通哂
真係痛過生
但第二胎终於可以全人奶埋身餵, 好輕鬆, 宜家覺得好彩自己有堅持自虐
第一胎半夜見紅。但過佐十幾個鐘先生到。
第2胎就醒。等佢陣痛好密先入院。由有陣痛到晚上生都十幾個鐘。
我果時大既咬到我損。但捱過佐就冇事。
通乳塞係用自己對手去擠奶出黎？
成日聽人講塞好痛好痛搞到好淆底但係我好想第時餵到母乳～
又講下我經歷
18年9月29預產期，喺22號朝早因為有少少見紅入院+15分鐘痛一次, 咁咪入院囉, 去到醫院又唔痛, 然後本來嗰日夜晚係約咗人食飯既, 無乜事咪去地下廁所換衫偷走搭車去觀塘食放題, 食蟹粥, 鰻魚, 海鮮火鍋
然後11點醫院熄燈見我仲未返去床位, 打嚟問我去咗邊我話我約咗朋友喺走廊吹水啊… 返緊嚟喇, 然後去返醫院地下着返醫院衫返去囉… 嗰時都差唔多11:40
然後俾人鬧咗幾句咁囉
跟住23號凌晨3點就開始有點痛喇然後23號朝早痛到勉強食到早飯，但都未開度數，然後去周圍㣔下，坐下波波，然後午餐痛到唔係好食到，又勉強食午餐
然後下午終於開到5度喇，有姑娘話可以試生喇，然後人手穿水就話已經開到8度可以生喇，然後就生咗喇
好在老公有陪產無咁驚
最後，個人認為最痛苦係陣痛，痛到好似就嚟爆菊花，然後生完嗰下好爽，因為菊花唔再痛，跟住推胎盤係超級痛，然後聯針就痛痛地啦
然後就展開漫長湊BB生涯了
所以其實係咪陣痛個陣咩都唔洗做，唔好用力，入到產房佢叫我地push先知用力谷佢出黎？ 
1個讚
一早穿左？係咪因為高位穿左水所以無流水出黎呀？咁一早穿左對bb無影響架可？
佢哋叫唔好用力其實好難忍
衰啲講好似忍一舊超大嘅便便，係人都唔想瀨，但係佢自己衝出來架囉
不過要聽姑娘話，唔好亂用力同大叫，真係會浪費氣力的。
1個讚
第一胎陪月幫我按, 按到我十一级痛…
點知泵左奶成四个月都一直冇通曬, 所以當時冇咩奶
第二胎有個阿姨幫我按, 唔係幾痛, 但大部份通左
但阿姨幫我之前我用番上一胎陪月嘅方法按啲塞左嘅奶出来, 痛到我唔知點形容
之後個B啜大力左, 我又用三百六十度嘅方法邊擠邊俾佢啜咁通曬(YouTube教)
可能我飲啲雞湯冇起油, 搞到我塞得好西利, 通完又塞
後来雞湯去油, 開始食Natures Own Fenugreek
希望唔好嚇親你, 可以餵人奶其實好幸福, 媽咪同BB都好需要呢種親密嘅感覺, 宜家谂番幾辛苦都值得
係屋企半夜zzz下穿羊水
去到醫院見埋紅
跟住陣痛
其實前一日入過醫院檢查過宮頸軟化程度, 檢查完話唔洗催生, 可以番屋企, 但俾佢檢查完我流左唔少紅, 同好唔舒服, 唔知係咪果陣俾佢篤穿左
其實好危險, 穿左羊水重番屋企, 我仲沖涼呀…
係囉 真係好危險喎！好彩最後無事，同埋點解可以姑娘都講唔到穿左水未 真係好誇張
屙個幾鐘咁耐 開晒度數應該半個鐘內出到嚟喎，我屙第一吓姑娘都話見到頭，第一吓唔識keep住道氣又宿番，被姑娘話，要我忍住一次過用力，唔好咁快放鬆
真係唔知咩事, 三個護士輪流喺我下面幫我篤穿羊水但都失败左, 佢地话篤唔到
结果個創院嘅老醫生經過幫我, 唔洗一分鐘收工離開話一早穿左羊水, 同已開左四指…我都O左咀, 之後鎮痛到生其實可以半個鐘內搞掂, 但啲醫生护士未埋位, 我唔敢痾出來
佢地埋位來左不到十分鐘我就用力痾
好彩有經驗
冇陣痛時休息
有陣痛時出力
要等佢地话見到頭, 就出盡力