我諗我媽識做，好少比意見，所以我老婆算係接受我媽
外父外母意見多，但始終係老婆家人，老婆應該唔會憎佢地，最多係呻下
我諗人人有意見，同埋都係好心，係點表達同埋有幾執著咁
有時就算聽到好燥，都會盡量諗番佢地都係同我地一樣，係想小朋友好
況且佢地又唔係一齊住，啲勸告自己酌量聽或者唔聽就係了
但都真係有忍唔住爆住幾鑊，外父母都係咁話，踩到上我老婆心口好難忍
人人有情緒，我盡量唔將啲負面情緒貼上個人度，件事過左就由佢
1個讚
我又無話好憎/討厭奶奶, 只係唔鍾意。佢好傳統同迷信, 大家宗教唔同,生活習慣唔同,政見又唔同。好多時佢做啲野覺得係為我好, 但我都會好抗拒 
特別係過去呢大半年, 講親新聞既野 心裡面都會想拍枱走人,但大局為重都係會忍口唔同佢嘈,一來佢唔會聽得入耳,二來唔想傷感情,夾老公係中間,所以都盡量少見。
我都好憎我奶奶架加我都唔係好新抱，所以，我好少見我奶奶加上我老公都好少番男家，我老公平時2-3個月先番一次，有疫情下更少。。。
但我見我弟婦同我阿媽都正常，可能我阿媽都幫得手同錫仔女同孫，做新抱番男家無咩壓力同唔駛湊仔又唔駛煮飯，所以，可能咁樣大家夾到咪鍾意番男家。凡事講緣份既
憎到佢癲左，原因係我未見過一個咁毒既女人！
我同你一樣，唔係好新抱，我大時大節完全唔會買禮物俾 99 ，只會買俾自己阿媽，要買就等老公自己買。我都好少見 6299，老公從來唔會主動話返去食飯，我 99 係地獄廚神，返親去食飯我都會肚痾，所以可免則免。近排疫情最開心係完全唔駛見 6299，新年之後都冇見過 
希望繼續唔駛見一排啦
我同我奶奶抗爭咗十幾年，佢以前真係癲到以為自己係女王。
佢真係唔好彩喇，今世遇到我呢個港女。
我記得佢以前會出email鬧我好唔錫佢個孫～
叫咗上嚟我屋企要先打嚟，100次都唔會通知你就咁開門！（之前有我鎖匙）
好啊！咁到101次我換埋屋企個鎖做fingerprint, 同埋㩒鐘唯有扮聽唔到門鐘聲囉！
（同阿孫沖緊涼喎！暗緊阿孫訓喎！工人唔開門？工人去咗買餸囉！你唔打嚟鬼知你上過嚟咩？都溫提過你啦…）
真係同佢抖志抖力，幾好玩。有機會再分享多啲！ 
4個讚
我都同奶奶抗爭咗十幾年，不過你勁啲，如果係我佢哋實發癲
我好憎我阿媽個奶奶，算唔算？ 
嘩
佢當左你係下屬嗎？
出email俾妳
cc妳老公同一眾親戚?
好極品
1個讚
拆信係絕對不能接受！有時我媽唔小心拆錯我都會小燥一下
好彩你奶奶係拆佢個仔，不過銀行信可轉哂e statement，等佢無得睇～
1個讚
我都係呀～問完一輪食唔食，飲唔飲湯，你答完唔食，唔飲。十分鐘之後，奶奶會話放左碗湯係枱面，趁熱飲左去。。。我就會爆我老公，咁佢問咁多次黎有咩意思？橫掂佢都係跟自己個套，我老公有時都會燥，因為真係啱啱食飽飲唔落，好聲好氣同左佢講，佢又逼人食/飲，我老公就會一路將碗野放係枱面擺，擺到凍，擺幾個鐘，自始之後，我奶奶就無再咁做，好快我地都搬走，唔洗再一齊住
1個讚
Same same! 我老公係我媽到食飯食到人人見到佢都話佢肥左我奶奶煮飯又係極品，難食到我老公都頂唔順
正常到不得了！
結婚之前就同老爺奶奶一齊住 不過真係相見好同住難 佢地份人無咩但真係生活方式唔同真係好難搞 好多嘢都要就 有諗過同老公搬出去住 但老公係獨仔又唔放心佢地兩老 所以結婚之前真係要諗好可唔可以同老爺奶奶相處好〜
send email? 佢真係好癲，睬佢都傻啦
失驚無神走上黎，唔開門就啱啦，等佢唔敢再自出自入，最憎啲 99 覺得佢仔屋企佢話事咁，鍾意幾時黎就幾時黎
2個讚
我99一直都係黄
早兩年我的確係藍青蛙
自從熱醒左，變淺黄人
我覺得99好醒
行得好前
雖然仍然不喜歡她
但好敬重她
2個讚
我唔算好憎我99，但最好少見為妙，佢講乜都覺得煩。
2個讚
想知多d，同呢d自以為皇后既99鬥真係一場角力
我記得有一次，我奶奶text我老公，但我老公訓咗不過電話响我隔嚟所以我無意見到pop up msg。
內容係我大伯出事，呢啲係我哋家事，你老婆係外人就唔好話比你老婆聽！
我嗰吓真係火，嫁咗10年生咗小朋友原來我都係外人。 
好，我咪同佢玩吓囉。
咁橋我媽上嚟我屋企，我奶奶又上嚟痴飯食，佢嚫我湊小朋友就緊係訴苦咁同我媽講個大仔點啦~
好啦，佢好愕然問我係邊聽返嚟? 咁我一直都知少少乜事㗎嘛，我緊係扮傻豬豬話係奶奶同我媽講嘅！咁大伯點呀？大家係一家人我哋成家都擔心佢…（下刪一千字）
我老公緊係D9去阿媽啦，又話屋企秘密又話我外人但又話比外母知！
外母唔會同自己個女講㗎？
我奶奶最後緊係好尷尬啦，但佢到依家都唔知係我洗佢嘅。
外人…! 
2個讚
同你一樣