正常
有時我同老公諗住影張bb相比99睇下，佢100%淨係話點解佢著咁少衫?唔好比佢著短袖，之類
令人好無興趣share任可關於bb既點滴比佢囉 
我奶奶係有精神病，而家生Bb前後都比佢激到痴線，搞到產後抑鬱，生完後我仲激到返左呀媽度坐月，自此都冇再見過佢，到而家接近兩年
3個讚
same here, 無句好架, 有時都好無癮, 想大家開心下又換尼一面屁
佢地自己都著短就都仲話個孫要著件厚身D既外套
真是無辦法要一齊住咪夜D返或返外家囉, 好過鬧交, 開過拖好難當無野
岩岩生完最惊人话个B係咪唔夠奶食, 着太多太少, 讲多句都觉得人係话緊自己做得唔好, 但自己已經盡哂力
加上个疫情同香港嘅情況, 容易有抑郁…相信之後会好啲
妈妈加油
我都好憎我奶奶。
拍拖第一次見就串我讀咁多書邊有用，女人係生仔。又話我租既地方唔洗一萬蚊唔係人住。
婚後樣樣事都腰心腰肺。包括知我婆婆就死，竟然話佢自己個媽就唔同，身體好健康。我老公有病（身定心）都入我數。以為自己係上等人睇我屋企住公屋唔起（佢唔知老爺炒股票炒到無錢要問我老公攞錢）。我大肚就講到我會害佢個孫，bb出世後又教埋d心地差野俾我個小朋友。我屋企既財政佢每事問，覺得我洗佢個仔既錢(其實屋企我係家庭經濟支柱，佢根本唔知佢個仔之前俾好少家用，呢幾年不斷失業，屋企根本靠我，連買樓都係靠我同我父母）。
我見到佢就起火。
1個讚
Exactly
自己著短袖，叫我同個女著長袖再加冚被訓覺
我話都要睇情況，太熱bb成頭汗濕晒再吹風仲易病，又唔可以成日沖涼
佢就話係呀！梗係唔可以成日沖涼啦！
我心諗你講咩呀9唔搭8
1個讚
你就好啦，有得唔忍，我成日諗，到有日忍無可忍我會點呢到時 
好正呀你呢句，要帶帶自己個仔去，中肯！
真心唔好，鬧交得多，老公處理多幾次，就會覺得屋企好煩，男人好易會想搵一個喘氣的地方。
有道理
我係爸爸！我指我係夾係中間既中間人，即係各爸爸門！
不過我係老婆第一，BB第二！
6個讚
我是Ftm,我老公只夠錢比家用，無比零用我。我奶奶就成日話佢個仔係搵錢果個，係一家之主。有次佢又咁講，我同老公講：你同你阿媽講，你依兩年黎借左我同我阿媽幾多錢。（都有6位數）之後奶奶就收斂左
。
我又唔可以話憎我奶奶，但佢做好多野令我唔開心。我明新抱不同親女，但我明明比佢個女做多好多野（例如洗碗，我未見過阿姑拉有洗過碗，我有時又會煮野比兩老食，佢個女都無咁做），我唔期待佢對我同佢個女一樣，但都唔好事事對我就高要求，對個女就無要求。
另外，奶奶另一個新抱就係working mum,有唔少佢做得嘅野，我做少少話會有說話聽，明明奶奶佢自己都係ftm幾十年。
我無結婚啦
但我對我婆婆都係咁 真係唔知咩原因
明明佢都係叫我好好照顧自己 要煮下野食
但我就會無名火起對佢好惡 有d不滿佢講既野
但其實我真係無心
唔憎99，唔討厭99
同99相處真係好巧功夫
我自問不能同99相處， 我心直口快
99食鹽多個我食米
邊度夠99鬥
我已多年沒有聽99電話和單獨相處
否則鬧起交上黎， 明明我啱都變錯
連whatsapp 從來都唔留言和回覆
現在有咩事打比佢個仔(c6)講就得
要同99做到河水不犯井水
咁就最安全
9個讚
我唔憎奶奶，但我怕煩，同一個問題問多次就燘。例如，食唔食呀？食唔食呀？食多d啦
先生知我性格，我對住自己家人都係咁，真係冇針對奶奶。佢亦知我個刻會忍，但之後會十倍爆發返響佢身上。久而久知，佢都怕左我見到佢呀媽，幫我推曬d飯局。係唯獨新年，一到新年就…………
2個讚
自已屋企人都可以睇唔過眼, 何況係人地屋企人呢.
如果老人家出發點唔係惡意, 其實都係代溝問題比較易解決.
湊小朋友真係可以爆發世界大戰, 不過最緊要隻佬識做, 適當時候要開聲警惕老爺奶奶有D位係會令人反感.
我兩個小朋友長大了, 依家反而叫佢地打俾四大元老關心佢地, 佢地做得好好. 因為我返工時老人家至得閒, 所以只好由小朋友大部份代勞.
1個讚
好同意好理解，好野一定係似佢個仔，衰野一定係關阿媽事
2個讚