明白, 唔該晒
所以咁耐以來，我哋都冇寫觀鯨。以我哋自己為例，我哋會早一兩日之前先至預約，確定風平浪靜先至出去睇。但係大部份人我都唔會識。我有員工以前做觀賞船，佢哋嘅工作係攞嘔吐袋。
但係如果頂得順，其實好震撼！
哈~ 就係好想睇, 但一諗到會暈浪LEE 個問題就令人卻步
近距離跳起，真係好鬼壯觀！ 但係通常啲浪大到，暈浪藥都頂唔順～
沖繩都唔算好鄉村啦
我好鍾意沖繩 
啲人好似真誠熱情過東京大阪嗰啲城市人，成個氣氛好渡假感覺好開心
不過冇得自駕遊嘅十級唔方便…
系呀。我哋因為工作有機會去日本唔同地方日本唔同地方，深入接觸唔同嘅人。
最後選擇沖繩，最主要系：人。
我個女兩歲嘅時候去西崎公園玩，人仔細細行路好慢，過河嘅時候頂著兩邊。但係啲小朋友非但冇不悅，仲要慢慢鼓勵，伸出雙手幫佢。我感動到喊！我嗰陣時已經話希望我個女可以同尼D小孩一起成長。
幾年之後，我個女調返轉成為當時姐姐。近珠者赤。我地老懷安為。
1個讚
我都一路有 follow 你哋 FB 同網頁，好鍾意你的文章，你哋一家都好真，唔做作，而且熱情好客，期待一直看到你哋分享沖繩的生活點滴，支持 
1個讚
住響沖繩仲可以日日潛水
真係人生贏家
1個讚
8年前去過,好合小朋友去玩,大人去relax,去chill,計劃會再去
1個讚
多謝讚賞.
其實間唔中都有廣告商搵我地，我哋唔係清高，但係如果接受廣告，寫嘢就唔可以暢所欲言。試過之前觀光局安排住免費酒店，彩嗰一次純粹係體驗package，唔需要特別做宣傳。個一次其實好好笑, 成萬蚊嘅晚酒店，臨瞓之前我同我老婆講，我想住返今晚嗰間，六份一價錢… 但係舒服好多.
所以到最後都係宣傳返自己潛水店。
我同我老公後生時都有玩潛水，細路出世之後就少玩了，後來所有 gear 都賣晒了，我細仔而家 16 歲，佢講左幾次想學潛水，但我哋舊年暑假後搬返來美國住，呢邊水溫低，比較難玩潛水，或者搵個假期同佢返香港或者東南亞學，考埋 PADI 牌
我都覺得沖繩人比較容易同其他國家嘅人相處
我想問吓如果唔識游水可唔可以玩浮潛
我自己喺溫哥華考潛水牌. 嗰陣時氣溫得三四度, 水溫水面11度, 5米.7度，着件保暖衣成隻企鵝咁。
但係值得。因為北美洲教學好嚴格，我用咗一個月先至攞到個牌。個底打得非常之好。
東南亞地方通常三四日，根本冇時間俾你消化。（我自己做潛水，有做教學都係咁講。如果香港住，最好係返香港學，有充足時間練習同消化。）
梗係可以啦，體驗潛水都得。記住係＂體驗潛水＂。即係有個教練全程拖住你。
但係就唔可以考牌。有啲教練會同你講唔識游水都可以考潛水牌，因為有裝備嘛～
但因為如果裝備出現問題，唔識游水，根本無辦法返上船或岸。千祈唔好用自己條命你較飛！裝備一定會破損，只係時間問題。啱啱到你嗰次，就真係蒙主寵照。
2個讚
等小朋友大啲，去沖繩去搵你地
1個讚
小朋友識走識跳嘅時候，呢度好多公園適合 ：）
1個讚
嘩咁凍，是否要著 dry suit？
明白嘅，我都覺得歐美國家係做得比東南亞嚴格好多，我試過去馬爾代夫潛水，嗰間 dive shop 係 run by 日本人同德國人，世界上兩個最認真嘅民族，果然係非常嚴謹，所有步驟要跟足，裝備要自己 check 自己上自己孭出去（去馬拉菲律賓一定有當地人幫你做晒），又要做 check out dive，樣樣過晒先再有下一步，唔似東南亞國家一嘢就上船載你出海叫你跳落水，係好煩，但真係安全需要
我住西雅圖，搵下呢度有冇潛水學先
嗰陣時作者冇Dry， 8mm 成隻企鵝咁. 有一次仲要戇居到先到少少熱水入個身度。點知因為溫差太大，落到水仲凍！依家老啦，19 20度水我都要着Dry, 有陣時俾啲員工笑我虧… 佢哋老咗就知!
西雅圖有啊! 你哋嗰度有同海獅潛水, 同埋海草林, 好好玩㗎! 考完牌之後我落咗黎一次 （我喺溫哥華），海草林嗰度潛水，突然間有一隻海獅失驚無神出現。嚇到痴咗線，但係又勁開心。
1個讚