識得日文當然最好。但係呢度我認識兩三家人，完全唔識日文，冇任何人幫手，過咗嚟沖繩。
佢哋有投資，亦都有工作簽證。
嗰陣時資訊冇咁發達，當然行咗唔少冤枉路。但係佢哋都成功左，住落沖繩。
我哋自己就係工作簽證。落咗腳之後，我老婆自己做功課，一步一步轉簽證。好多人私底下問我哋點樣移居，我老婆全部都會好樂意好詳細咁答。我哋亦都冇收錢回答，亦都唔會介紹移民公司，純粹分享我哋經驗。但係我哋會要求大家做功課，唔係我哋孤寒唔答，因為成功移居只係第一步，如果唔做功課嘅習慣，未來根本無辦法可以生存落嚟。
我將我哋嘅經歷同埋面對嘅問題集中放在我的網站，方便大家閱讀。裏邊有簽證，買樓，租樓，創業嘅經驗。睇完之後就會多咗了解。
https://www.oki-family.com/2020-沖繩移居指南/
走唔走，係自己嘅選擇，呢樣野冇啱定錯。每個人只不過適合自己行既條路。
你哋好叻，又有決心。我都想開始留意周邊地方長居，原本諗住歐美加澳，舊年去咗好幾次，始終都係喜歡東南亞，特別日本、台灣。
可能因為生活習慣及氣候吧。
你哋既經歷令我好鼓舞，加油～
我超鍾意去沖繩and附近D島旅行!! 水質真係好好, 海勁藍! 我好鍾意去沙灘游水同去潛水呢! 希望日本疫情快D過去, 可以快D去沖繩旅行~~~
唔知當地日本人係點樣睇遊客咖? 會唔會覺得太多人破壞咗當地ge寧靜…?
嗱嗱嗱，我再講多一次啊。勁嗰個係我老婆，我負責玩嘅咋。 
果度打風季節係咪好密？會影響電力供應？
沖繩其實同香港情況有啲接近。
你當沖繩係香港，日本本島系中國大陸。
沖繩人普遍都唔係太鍾意本島人，本島人唔係咁睇得起沖繩人。沖繩好多大公司都係本島人開始，沖繩人覺得本島人用沖繩嘅資源搵錢，但係又剝削沖繩人。本島亦都炒貴晒佢哋嘅物業。（沖繩嘅平均收入差唔多係全日本最低，亦都最多貧困小孩）
相反，沖繩人文化比較隨意求其，本島人頂唔順。（我哋就係鍾意冇咁拘謹）
所以，沖繩人其實對香港台灣遊客唔係太抗拒，甚至移居過來的人亦都唔抗拒。好多日本人當去沖繩係出國，因為平。所以有一部份過嚟沖繩的本島旅客質素爭啲。
我想講嘅只係我嘅經驗，呢個世界乜嘢人都有。
我哋嘅鄰居起初知我哋係外國人，見到佢哋個樣唔係好老黎。自我介紹之後，佢哋知道我哋係香港人，態度完全唔同晒。我個女同佢啲細路，基本上將兩間屋變成一間屋，全部自出自入。大家會互相照顧小朋友，連開口都唔使。例如佢個女過咗嚟玩，佢只係同我哋講成日話我出一出去。咁就大家明白。好好笑。
沖繩好多年前去過一次, 暫時都係我去日本咁多個地方最鍾意嘅。當地人好熱情, 當時因為暑假去, 小朋友防曬搽唔夠(返到香港先知), 全身都出紅疹, 初初以為食物敏感, 藥局嘅姨姨好好人, 幫我地諗乜嘢藥膏先啱用。海灘同公園都好好玩, 啱曬一家大細去, 慢活嘅感覺好好。
沖繩本島正常係好少停電。我哋呢度嘅建築物同埋公共設備係根據颱風來做規劃，所以颱風對我哋嘅影響冇東京大阪嗰啲咁大鑊。（調返轉如果地震就死梗 
… 好在沖繩好少地震)
2018年嗰一次，真係幾十年難得一見。但係離島就比較常停電。
我知沖繩人對本島人有抗拒，主因應該同歷史有關。佢哋係親中、台多過本島人。但冇諗過佢地係全日本收入偏低既地區，反而覺得冲繩係日本島內比較國際化嘅城市。
我到而家都仲會曬得太多出紅疹~每年四五月甩一次皮，出一次疹（琴日先至出緊…)。跟住嗰一年點曬都唔會外傷, 最多曬到發低燒（由細到大都係咁，哂得多就會發燒，食粒退燒藥就搞掂）。
因為我鍾意黑同埋唔鍾意搽太陽油。
我琴日剪片，剪万座毛，又再睇返一次嗰度嘅黑歷史。
日本主流教科書佢話第二次世界大戰嘅時候，美軍入侵，令好多本地人死，自殺。（万座係其中一個自殺地方）
但係真正嘅歷史係日本皇軍叫沖繩人以死效忠天皇。
沖繩人好清楚呢一段歷史。我想知道我個女學習沖繩歷史嘅時候，學校會點教。
暫時見到學校會教好多沖繩嘅文化，例如沖繩文。唔會抹煞。
沖繩=琉球王國， 用呢個名相信即刻有熟悉的感覺。
你講得好啱！呢度啲人仍然以琉球人呢個名為榮。好似我哋香港人咁。
🙋 長期追開
真係長知識了…萬座毛原來過去有個咁ge歷史…依加成為咗旅遊點 唔知有幾多人知道佢ge過去呢…
但肯定下次再去ge話, 我應該會感到心寒XDDDD
X2
請問女女係個邊入返本地學校定國際學校？學校多唔多移居嘅外國人？相處上面有無困難？
沖繩呀~~~~~~
成家都好鐘意食新鮮海葡萄, 超正!
唔使擔心，最心寒嗰個位，唔俾人去。但係如果冇記錯每年都會有拜祭儀式。只不過唔係公開。
我鐘意食沖繩苦瓜