Thank you so much!!! 我在HKTV mall 敗左, 用一張, 過兩日塊面都仲feel到水潤. 我本身係出油但乾底的… 超有效, 好開心 
唔知有冇人講過台灣嘅提提研？朋友介紹，黑色mask好用
好貴下 $150/3張
唔係呀，hktvmall $100 8張，好抵玩
1個讚
佢好似有兩款
有呀~ 好用!!
另一隻牌子forest beauty 都好好, 唔會好笠
台灣mask 我都係搵同路人代購,好抵用
2個讚
黑色都有好多款架
試吓平果啲先，睇吓啱唔啱自己
1個讚
原來佢有中文名
呢隻牌子係台灣好出名下
佢有幾種面膜紙，生物纖維最貴
我朋友話呢個牌子紅到去歐洲/英國攞晒獎，我大鄉里未聽過 
用過係幾好
我係用緊呢隻韓國牌子Derm all Matrix，佢係可以吸黑頭粉刺，可以當sleeping mask咁用
用過太多Mask，好同壞嘅都簡單講吓
Clinelle WhitenUp Whitening Facial Mask
雖然話係美白Mask但係黏笠感都幾重吓，質地算有少少Firm嗰隻所以唔係話100%貼面，美白效果要隔日先睇到不過唔叫好顯著，我當佢係保濕Mask用，BTW佢真係幾香
LEPO Mask全系列
黑米深層清潔嗰隻冇敷過鐘都勁乾，啱油肌多啲（我混合肌）
紫色保濕敷上臉好舒服，Texture厚得嚟唔油，都幾滋潤
其他色都有用過但係印象唔深，你問我值唔值呢個價我一定話唔值
OLAY白泥面膜棒
唔好以為棒狀好方便，佢圓型頭其實好多死角位係搽唔到，例如係鼻翼位咁，都係要用手自己推落去
香味100%係綠箭味，聞聞吓有啲上癮
用後感完全唔乾，好易洗得走冇殘留感，用完毛孔真係細咗，粉刺暗粒都幫到少少
Filorga Meso Mask
冬天用嘅話係幾好，其他季節用都係太滋潤，一用就會生油脂粒
比較Recommend畀乾肌或者成熟肌用，保濕滋潤效果都係中上，用完塊臉真係好滑好軟熟，美白效果就唔覺有
RAY粉紅色玫瑰純露野麥仁面膜
普通料，黏笠感多過保濕，用咗1塊就冇再用
DIAPIA大米面膜＋羊奶面膜*
淨係講美白我覺得羊奶會Work啲，不過要用一排先會見到效果
而大米就清爽啲好多季節都啱用，當舒緩保濕Mask個觀感就Fit晒
De-Chance DeServe Stem Cell DNA Recombination Mask
呢個牌子就好鬼古惑，聲稱係日本公司，但係我用日文上Google搵Suncrea株式会社，幾間公司都唔係做護膚品，好啦咁我跟佢地址去搵，點知搵到間租車公司，我心諗即係強國嘢是9但寫個地址落去扮日本嘢啦
我只係用過1塊，又係黏膩感非常重嗰隻質感，好有假滑Feel，咁我個人就唔認同越笠=越保濕嘅，所以呢盒Mask我覺得只係值60蚊（盒Mask係禮物嚟我冇畀過1蚊落去）
PeterThomasRoth玫瑰修復Mask
唔洗嘥錢你可以Skip咗呢個Mask佢，因為用完真係完全無感，你話舒緩佢又唔算好褪到紅，你話保濕佢又硬係爭咁啲，擺佢落雪櫃用都叫做可以收吓毛孔嘅，但係呢個價錢完全唔值
Josh Rosebrook深層保濕面膜
好香，滋潤得嚟唔厚唔笠，不過都係建議油肌唔好用，因為佢一搽上面就會變成油，我通常都係秋冬先會用，又或者敷完會用面紙輕輕印走多餘嘅Mask
佢嗰種滋潤唔係話舖層嘢喺塊臉上面等你覺得好保濕，摸落好似好滑，而係佢啲油份真係會索入皮膚度，會Feel到塊臉有彈性咗同埋摸落好舒服，唔會再甩皮或者鞋恰恰
Josh Rosebrook活性酵素磨砂面膜
首先佢陣草本味唔係個個都鐘意，同埋佢太杰身所以塊臉乾嗰陣真係好難推，要濕少少水先會推得郁
不過我敢講佢絕對係乾肌都可以用嘅磨砂嚟，好多人以為乾肌就唔洗用磨砂，但係你塊臉乾到出晒死皮同Dry Patches又點上妝 
呢隻Mask真係滋潤到不得了，雖然佢個網聲稱暗瘡肌都用得但係我建議你唔好搏，我混合肌夏天用都生油脂粒
佢啲Beads都尚算大粒，所以唔建議你太用力按摩，按完塊臉一啲都唔乾仲好軟熟好保濕（唔係假滑），用多幾次你會Feel到整體膚況健康咗
Mediv Revital EGF Mask
呢隻我都覺得唔錯，唔會過份黏膩而且吸收都幾好，保濕幾好，褪紅同修復嘅效果都有實感，我通常轉季嗰陣會用佢，用咗塊臉冇咁易痕同埋敏感
曾經仲用過一枝唔平嘅咩蜂皇漿面膜完全冇感覺，但係我已經唔記得咗個牌子名
其實我屋企仲有好多Mask未用，有機會再同大家Share啦
6個讚
可洗可唔洗，對於混合肌或油肌嚟講一定係洗好過唔洗，因為始終Mask入面有啲成份都係Comedogenic，除非你得閒去Study每種成份個Comedogenic Rate高唔高，否則都係洗走佢安全啲
而且外國好多Dermatologists都話皮膚可以吸收到嘅營養係有限，而且比你想像中少，我當你敷20分鐘其實皮膚可以吸收到嘅都已經吸收晒，其他剩餘嘅精華只係會舖喺皮膚上面，等你皮膚入面嘅水份冇咁易蒸發，同你搽面霜嘅原理一樣，所以我覺得洗走佢之後再搽面霜其實已經做到同樣效果
就算唔洗走佢，我都會用面紙印一印走多餘嘅精華
因為我混合肌再加上香港天氣太潮濕，敷完唔洗我係一定會爆粒粒，同埋我好憎嗰種黏笠感
4個讚
Apivita隻牛油果mask好用
要急救皮膚就中意用origins隻out of trouble
番生呢個post先 
最近試咗兩款snow fox (又係袁小姐）面膜，凍果隻急救同熱石，兩隻都好好，真係即時皮膚有改善
係咪好貴？
Ronas 銀色面膜
后 美白面膜
Hirosophy egf 面膜
依3款必存庫，好用
唔平囉，兩款分別係$280/$340 / 5塊
1個讚