想去沖繩！未去過，仲有京都，姬路城
亦想再去北海道，之前冇去洞爺湖同函館，
九州都想再去！好多嘢食
1個讚
前兩年去過立山黑部睇大雪牆，超開心！想睇下夏天再去多轉行下山。
1個讚
睇到流口水囉
買咗出年機票去東京, 但未plan行程
日本好多好野食, 又新鮮
立山黑部超多人 淨係中間等纜車呀巴士嗰啲都嘥咗好多時間
我冇去過沖繩，不過我屋企人未爆疫情時去過，佢話酒店條必經之路山上有嗰啲好傳統嘅中式墳墓
暫時最鍾意京都，去過幾次。
希望疫情過可以去瀨戶內海 藝術祭。
沖繩島古中國好有淵源，好多嘢都受到中國文化影響。
沖繩嘅墳墓係中國式，但係冇咗幅相，所以其實唔覺得恐怖。清明節嘅時候大家會圍埋墳墓野餐，當係同先人團聚食飯。又唱歌又跳舞，好熱鬧。
我個女幼稚園嘅時候返學一定要經過一堆墳墓，但係從來都唔覺得恐怖。
1個讚
我都想去沖繩，但我老公話我唔識游水，去嚟做乜喎？希望可以撇甩佢同啲小朋友去啦 
1個讚
女人真係唔可以得罪… 不過我鍾意咁嘅態度。
唔識游水到沖繩可以好抵玩，淨係無敵海景Coffee shop, 行吓海邊影吓相. 逃離香港嘅繁囂都已經值得啦. 淨係一個區，已經可以慢慢玩一兩日。
沖繩恩納村懶人包：
謝謝資訊，我諗住帶小朋友去啲沖繩親子地方，希望到時姐夫肯組團自駕遊啦
1個讚
本來今年去北海道睇紅葉, 依家唔駛唸.
2019年去過四國自駕9天, 同埋北九州親子自遊行(公車)8天. 鐘意去D無咁多人嘅地方, 可以慢慢睇大自然景, 又無咁多大陸人. 不過好多香港人, 哈哈哈!
點解去陽光與海灘要識游水? 玩水同打卡係唔駛游水喎.
近想去沖繩
遠D想北海道
好懷念
好想快閃
沖繩好多沙灘好靚，透明海水，水深只係到膝頭哥。攞嚟打卡同埋小朋友玩就最啱。
仲有下便好多魚～
1個讚
我老公嫌沖繩悶，想用呢個point turn down我
沖繩真係睇人, 有啲人真係唔鍾意, 要求唔同嘅嘢…
1個讚
我都鍾意睇風景