沖繩夏天陽光與海灘好正，不過好貴
非旺季好平，但有d 悶
另外沖繩料理唔係好掂，同其他日本地方有差距。。。
九州唔錯，包括豪斯登堡，阿蘇火山，油布院，別府，櫻島，鹿兒島，各有特式之餘仲勉強可以一個trip 去晒，如果去開車8-9日
1個讚
最想去箱根睇紅葉
仲有個小王子博物館
紅葉景真係超靚。
非常中肯嘅意見，我住沖繩，但係基本上我同意你講嘅嘢！
我會建議人哋10月尾同5月尾過嚟。呢啲時候天氣唔錯，氣溫唔夠30度，游水都唔會凍。最緊要未到旅遊旺季，乜嘢都平。
沖繩料理唔係咁容易搵到好食。沖繩餐廳，好容易踩地雷。
但係如果識揾，價格比非常高。連劉健威都在信報讚。呢間係其中一間：
到到都想去，移民過仲好hahahah
2個讚
我同c6鍾意去啲郊區，冇咁多遊客既地方。
早前去左宮崎覺得好正，但冇預足夠時間係個度，有機會想再去！另外東北都想再去，好喜歡青森～ 之前又係唔夠時間玩，青森，秋田，山形同仙台都係各玩左1，2日，實在好唔夠喉！
東北風景好大自然, 秋田犬好q
1個讚
時間永遠都唔會預夠～去到當地就會發現新野，跟住時間就唔夠用。呢一個係旅行無限loop~
回程機上就plan下次再去邊
如果去市區札幌小樽果啲其實交通都好方便架~幾個月前去完 
哈，無錯！但日本太多地方仲未去過，想去左未去過既先。
1個讚
回程機上（甚至最後嗰晚酒店）開始計劃下一次行程。去到目的地先至發現好多新野，時間唔夠用。跟住回程嘅時候又再計劃～
尼一個冇限loop, loop 左我20年～ 仍然loop 緊～
其中一個原因一定要回程嘅時候已經開始計劃，就係親我老婆仲係㷫烚烚， 焗佢上馬確認下一次行程。如果唔係返到屋企冷卻左，就話嘥錢～
沖繩傳統嘢，我食過炒肉片之類，好有屋企(香港)嘅感覺。沖繩麵我都麻麻地，可能係餐廳問題卦
我都係咁諗，loop過嘅係東京同大阪咋
我去過2次大阪
好想去1次東京
沖繩麵，出名多遊客嗰幾間唔啱香港人口味。味道又冇雲吞麵咁豐富，又唔夠濃郁，對我哋來講半天吊。反而有啲唔係太出名嘅（其實係另外一個派系），嗰啲就係我哋杯茶。
好鐘意北海道!
兩次去都係冬天，但我都想冬天再去!
北诲道，不僅是全日本，是全世界唯一一個去多次也不厭的地方
想再去北海道，太大好多地方仲未去，同埋想去碌雪，好好玩^^
我想去日本東北