識朋友係現代版遊牧民族，即父母經常調派不同國家工作，朋友初時都有入讀當地國際學校，但轉得太密好難適應，加上公司cut education allowance, 負擔好大，所以佢轉做homeschooling. 佢買咗美國Homeschool 教材，有定期網上評估check 進度。
近年佢決定返老家，就入返當地local school.
3個讚
推
宜家先睇到呢個討論, 我想問係咪即係唔送小朋友返學自己教,…如果係…好可怕…
-
你會累死自己仔女, 佢會不懂社交。樓上話會見人同人玩等等, 果啲唔夠, 你係要係一個同層圈子入邊, 找一個適應自己的生存方式, 呢個要係學校度學, 一班同學, 同佢地交集, 要長期在學校環境先得。你咁樣做佢出來做野, 或者上大學已經有機會唔適同人相處, 咁就死得。仲有大家最深交的朋友, 好多時都係中學認識, 仲有人脈同NETWORK, 佢成個中學時代的人脈網都俾你一個瘋狂的思想摧毀左。佢最後不懂社交, 作為父母你點對得住自己仔女, 因為自己瘋狂的想法而令佢變成異類, 佢地長大左會好憎你。信我, 最後一定會變成咁。
-
香港義務教育係法例要求, 即係呢個討論已經教緊人犯法…
可以join共學團，家長之間有個照應
我覺得返學社交個pool 大好多，小朋友可以自己選擇啱嘅朋友
即係就算同班沒有啱玩同學，又可以在課外活動識朋友
我自己現在最熟的朋友都是中學識的。中學閒閒地識百幾人，最後留低做一世朋友只有幾個
如果樓主只俾子女認識home school同好會朋友，只認識十數個，到最後有幾多真係啱玩
而且我細個，由百幾個同學揀選幾個知己，在選擇過程更能清楚自己的選擇條件，更能分辨別人的性格
簡單啲講，我覺得中學俾到我的社交能力比起課本更重要
Between,我中學其實都冇乜聽老師講野，好多都係自己做練習，最後成績唔錯
同埋我覺得最好就讀男女校啦，我自己係讀男女校，同隔離位瞹昧下先係青春嘛
1個讚
我自己都唔prefer homeschooling, 但其實又無你講到咁嚴重(非挑釁, 純討論)
我有親戚行緊homeschooling, 小朋友已8歲, 社交完全無問題, 而且好夠膽同不同嘅人接觸, 主要好睇個家長點教點配合, 同埋有homeschooling嘅group, 不時會一齊活動/上堂, 都會有朋友, 有自己圈子, 只係out of classroom
另外, homeschooling並不犯法, 只要有同教育局上報, 佢地會派員視察小朋友嘅學習情況, 如果fail先會出"入學令", 違反入學令先算犯法
5個讚
我睇過文章, 教育局只會出disapproval, 但情況未最惡劣佢地唔會出入學令, 即係呢個方法根本就不被認同。
社交係一環, 但NETWORK 呢樣野你真係點都唔會俾到佢。都係果句, 大家都唔想小朋友做異類, 我唔明點解要咁樣摧毀小朋友一生。尤其上中學都仲想homeschooling …我理解唔到點解要咁。
1個讚
我！
但我無勇氣，亦無心力搞太多野，唯有安排其他課程滿足好奇嘅腦袋
其實中學課程唔難，小朋友返學最主要唔係學知識，係整個身心發展，以及成長中學習同很多不同的人既社交技巧，包括老師及同學，你自己屋企永遠提供唔到呢個機會，你叫我的小朋友讀大學書本我覺得佢都會handle到，即使可以跳讀大學我都一定唔會比佢去，知識可以自己超前學習，身心發展係無得超前，係需要同別人相處中一點一滴學的。
1個讚