津幼考直私小有咩心得

教育講場 小學討論
21

我又講下自己當年點做, 啱聽可以參考:

  1. 去圖書館 – (一個星期最少一次, 留一至三個鐘, 打躉果種), 培養小朋友呢個生活習慣, 就係得閒就去圖書館! 圖書館有閱讀計劃, 每年9月開始到8月, 填紀錄冊8月交, 12月左右會有張CERT紀錄一年睇左幾多本書(呢張CERT叩門會睇, 做PORTFOLIO也有用, 坦白講插班也會睇 (經年咁做, 好過你齋講我有同佢睇書咖~)
  2. 聽AUDIO BOOKS – 充分利用呢個世代嘅AUDIO資源, 詳情自己睇下廖彩杏本書, 孩子嘅英文耳朵係無痛練成, 方法可參考佢, 技術上可以更進化點,
  3. 睇卷TRAINING – 直私甚至叩門都可能考學術, 如果你TRAIN到小朋友可以自己睇卷係一大好處, 至於點TRAIN…

同埋其他預備功夫, 有人有興趣再分享…

8個讚
22

del

23

有興趣知多些，謝謝你分享！ :baby_boy10_heart:
1 &2已做緊
3. 卷資源及如何做分享多些嗎？

因為我都唔想俾佢太大壓力去谷到行，得就去，唔得都唔冇後悔。只擔心津幼起名氣同英文上都較輸蝕

ps.如唔方便，pm亦可

24

有興趣啊
第一個完全唔知點做:confounded:

25

除左學術，有一啲野係好多學校都會考既，可以練習下，如:

  1. 基本對答
  2. 看圖講故事
  3. 砌圖
  4. 七巧版
    （呢啲主要係直私考）

禮貌等也要注意

26

TSL係平民神校，每年最多人報就係佢喎:rofl:
WKF都聲稱舊年7000人報。
啟基唔清楚，但WKF, TSL都唔係粵教中

27

機會留比有準備嘅人, 特別係得果5, 6歲人仔, 準備一定係家長幫手
面試/叩門間間要求唔同, TSL用 IPAD, SFA心算數學口問PTH, APS第一ROUND傾計, WAITING就6月果ROUND就全人類筆試…
家長睇下自己TARGET咩學校可以在家模擬下面試

講返TRAIN做卷- 如果見到小朋友睇中英文都OK咪買D P1程度練習佢試做 (家長最好陪小朋友一齊做, 絕對唔駛做晒, 教佢睇題型睇題目就夠, 例如: 重組句子係點, 供詞填充係點, 唔識做就跳下題先(我開頭都唔知原來呢樣要教!!), 選擇題可以BY ELIMINATION 刪左必錯嘅先…) , 英文我建議睇小朋友程度報 YLE, STARTERS是叩門基本盤, 預備STARTERS個VOCAB LIST嘅功夫已夠佢考大部份嘅津小叩門, 唔駛報應試班, 買幾年PASTPAPER自己操已經夠, 如果你想要張CERT嚟叩門最遲果年3月就要考, 等張CERT 5月出仲可以放埋落叩門PORTFOLIO。 小TIPS係如果你對小朋友好有信心, 咁報一次就夠, 如果你想要15盾, 可以考慮報2,3次, 最靚果張先拎出嚟見人。

其他有機會再寫, 或你PM我吧~

8個讚
28

我上年先考完小學，可以分享我既睇法同準備作參考︰

1, 英文極重要，有D學校要講就得，有D要埋讀同寫。英文會話要流利，唔係行貨how old are you? I am 5咁簡單，而係預左要傾計，要生活化。好似有間直資面試用英文傾計，阿女出黎講返佢爆肚同老師講鐘意既卡通片，老師有問佢問題，呢d就係預料以外既生活化對語。私幼有語境所以冇問題。津私情況唔清楚，如果覺得唔夠，最好搵個net補一補。

2, 普通話唔覺好重要，好多間都冇考。不過最好都係咁二準備下以防萬一。

3, cert… 我一張都冇考過，包括英普。報名過程其實好多學校都冇要求語言cert, 又或者當係portfolio一部份上載/遞交。就算考左一大堆cert，但interview時講唔到都冇用。我個人覺得津校可能會比例睇語文cert.

4, 同第3條聯動—學術以外cert. 坊間太多好濫既cert, 我覺得真係冇乜用。我手上都有一大堆，到我坐低填表時，我甚至揀唔到邊張cert睇落有用d… 因為咁我問左考小學既friend, 佢話學校都唔係傻架，果d xx交流協會、xx文化中心協會開到成行成市，幾乎個個月有比賽，呢d機構出既cert, 佢地唔睇架…真係浪費左我唔少時間同錢。除非有海外賽經驗，我覺得果d反而有賣點。

5, 好多間學校都講到明活潑開朗主動既小朋友有優勢，呢個係真。你只要去一次面試就會知點解。響幾千幾百個入面揀少數入2nd in真係唔易，主動開朗唔怕羞已經變成首輪選拔最容易揀既條件。

6,唔好背答案，老師一睇就睇得出架。因為死背左個答案，人地問多少少或者問法唔同已經答唔到。反而我覺得加大佢地data base係有用。data base自己可做到，日常生活多d同佢地互動，例如坐地鐵去到邊個站，由邊到去邊到會經過邊個站、巴士站有分來回兩程方向、整麵包要用麵粉、蛋、水，蛋原來有分啡蛋同白蛋喎…等等。好多我地大人覺得理想當然既野其實佢地未必知。data base越來小朋友越有自信，自然會主動同大膽。

7, 群體互動同合作。幾乎間間都考，可以透過桌遊做訓練。阿女in某直資，小朋友用lego合作整城堡，佢果組有個男仔收埋一堆lego唔肯放出黎，佢果組同學有三個反應，我覺得幾有趣既︰有個小朋友第一時間講比老師知(老師叫佢地自己搞掂)；有個小朋友企響度話個男仔唔岩；有個小朋友就叫其他小朋友用剩低既lego整個小城堡。你係老師會點揀？

10個讚
29

我囡讀緊英小直資，當年都有其他私小offer. 我覺得要
1）自小伴讀，培養閱讀興趣（好多學校著重test 呢樣）
2）練聽指令，即要「聽」完消化再做到，可以試玩小遊戲
3）練講野，簡單如中英文介紹自己，有問有答，識望人有反應（對應返5歲能做到嘅野已得），要有禮貌
4）中英文認讀句子，唔一定要識串、識寫，但要認到、讀到，唔駛好深嘅字，睇多啲童書，伴讀就會儲到，中英都要
5）簡單計數，20內加減，理解，不是齋背6+7 =13，而是「原本有六粒糖，媽媽買多7粒比你，你而家有幾多粒？」可能係睇嘅文字睇，可能係數字橫式，亦有可能係口問口答，英文小學就係英文問題
6）訓練團體合作，唔爭玩具、唔爭顏色筆，要team player not team leader.
7) 玩board game , 練邏輯思維，唔駛好難嘅，玩logic puzzle, card game 都可以，練下輸左都唔怕
8）練坐定定畫畫，再介紹下畫左咩，唔係考畫功（特異另計），係睇會唔會坐得定，同睇下表達能力（簡單介紹自己嘅畫）。

13個讚
30

不用擔心我囡都係讀卷幼嘅，同埋小學只係其中一個階段，盡力而為不用給自己太大壓力，而我上述各點除考小學可能有用，平時教小孩都有幫助。

1個讚
31
  1. 英文非常重要，考直私基本上 10 間 9 間都有涉及英文。反而普通話就冇咁多。英文口語能力要夠生活化，老師可能問你搭咩交通工具，畀國旗然後問呢個係咩國家（中英美日韓呢啲係基本），平日邊個照顧，星期六日去邊度玩。
    1.1 但唔好忘記上小學前要打好中文底子。唔少學校英文就好多資源，中文反而少啲，你自己唔做野等學校教，到時候上中學就小朋友辛苦。
  2. 查清楚邊啲學校做卷，邊啲學校要父母一齊見。如果小朋友支筆唔掂，你報啲要筆試嘅，咁即係浪費時間。如果係父母一齊見，咁麻煩各位媽媽操 fit 你啲位 C6，make sure 口供一致唔會亂講野。好多時候係班爸爸埋門一口講錯學校名，唔知自己小朋友喜好，唔知星期六日家庭日係做咩，話唔鍾意宗教都夠膽講。
  3. 訓練小朋友用完整句子對答，有頭有尾。有啲小朋友口語能力冇咁高，講中文同英文都會句子組織唔靚，例如：Your favourite colour is what/做完功課問媽媽去玩公園（我會做曬功課先問媽媽可唔可以去公園玩）
  4. 孩子活潑主動，已有優勢，好好利用佢呢一點。
  5. 面試班未必有用，但可以幫你小朋友明白面試流程，咁到時候小朋友情緒會穩定，唔會發脾氣、喊、扭計。面試班亦可以幫忙訓練小朋友留意指令，同埋訓練孩子眼望人，有問有答。
  6. cert 未必有用，但 cert 背後嘅課程有用，例如 starters、GAPSK 課程可以幫你小朋友踏上第一步。
  7. 自理能力好重要，小朋友要識自己扣鈕、著外套，女仔著裙要識整直條裙先坐，自己抹嘴等
  8. 禮貌很重要，基本唔該、多謝、笑容、記得擺返好凳、拉凳放輕、行樓梯腳步放輕都要識
  9. 部份學校考群體互動，每組一定有野係缺漏（顏色筆冇其中一隻顏色，切拼圖缺其中一塊），要懂得分享同主動問。
  10. train 學術要識得變通，數學要好似一年級長問題咁，妹妹有 6 個，哥哥有 8 個，佢哋有幾多個？蘋果 5，媽媽有 10，媽媽可以買幾多隻蘋果？
  11. 中英認字非常重要，請多伴讀。
  12. 如果係超大 B，記得唔好怕直私全軍覆沒，第一年玩左先諗，玩完有經驗，第二年就知咩學校有咩要求。就算唔係熱門學校，超大 B 都唔包 offer。
  13. 活躍唔係問題，但一定要識坐定。
18個讚
34

感謝大家無私分享！

35

數學係補乜?
請問英文係什麼程度?

36

留名

37

主要都係加減數, 仲有認pattern, solve puzzle呢啲
英文其實睇你target邊間, 有啲要求流利對答, 有啲可能只係認字
我諗最好有cambridge starter程度
有啲人係會谷到flyers去考

38

Thanks a lot!

39

TSL英文要好，面試係英文嘅，你開放日去睇睇佢Ｄ貼堂功課就明英文要去到咩程度

40

津幼學術要跟政府果套，所以一般比私幼淺，外補係好重要。
我覺得面試班係有幫助嘅，因為佢會幫你練習以往出過嘅試題，教小朋友點應對。
學術上，英文最好有starter 程度，閱讀能力應該去到ort level 5或以上
普通話比較次要，有少少對答能力都應該都夠
數學我都覺得讀劵幼要補補先夠。

41

經常上圖書館，去公園出郊外，探爺爺公公，晚晚傾計玩。