講中學定小學？
DGJS 真係特別開心，少功課，測考範圍非常明確，平日教嘅野都係淺入，測驗一望，你唔覺得係 “深”，算簡單直接，考試就唔知，但睇 Median，大家分數都唔錯。小學部要入讀嘅話，心水清、少少蠱惑嘅女仔幾大機會。英文當然係教深，但去到三四年級開始就放慢啲。停課安排都 OK 嘅，冇視像上堂，Google Classroom 解決。
HY 小學部同中學部一樣，多姿多彩，好多人都玩校隊 (音樂/體育)，而且練習頻繁。小學部就英文深半年但都唔係特別難搞，考試成績每班頭 5 名有證書。停課應該係冇視像上堂，今次 “考試” 係考復課後嘅課程。
中學部一樣都好多人玩唔同野，據用家自己話，校內 “N 無” 人士會被老師 “邀請” 入會。有精英班。少數初中就有 Eng Lit 讀。停課應該有視像上堂，有 video 睇，assessment 上網 google form 做，今次考試就自己屋企筆試。
GH 小學就比上面幾間谷啲，都係多姿多彩。英文有教深，甚至部份深過 DG (不過可能停課關係，DGJS 課程調整)、英文數、廣教中，GS 半中半英。我欣賞佢多 worksheet 多 quiz，方便溫書，可以估到老師考試點出題。停課安排就唔算好好，worksheet 自學，老師有俾 ppt。不過 GS 老師今次非常好人，印左一份 summary 擺明提水。
上述全部都好多人補習。不過呢個現象係全香港都有，不過就入呢啲學校嘅家長會緊張成績，又怕教深跟唔上，咪搵補習。
