唔現實, 呢個狀態下講出黎,好大機會收唔到場,要離婚.
不如了解下老公為咩著左迷先
2個讚
我覺得你更加要挽救，你老公仲識返屋企，證明佢都係唔捨得你地
扮唔知係辛苦，但試吓増加感情方法
令佢迷途知返
3個讚
男人係咁，爭在妳知唔知
2個讚
真心建議
唔好發脾氣
多啲笑容就解決到
男人最怕嘈交
當佢響出面嘈，返到屋企唔使嘈
妳就贏了
8個讚
之前揭發，嘈過， 之後協議唔再講， 傷大家感情
但佢個心好似冇放下，仲掛住人
1個讚
為妳打氣，出面遲早會悶，
但屋企有細路返屋企就唔會悶
笑多啲，少啲發脾氣，sure win
協議唔再講你又講
我係男人都覺得煩呀
4個讚
女人就係個心點都有條刺
不過我都贊成唔講
忽然覺得好玄虛好神秘。你會聽唱歌聽出老公對小三嘅愛意，首先你係站在老公對一個女人嘅愛的立場上，你成為左呢份愛的一份子，你先可以體驗到憂慮同恐懼。所以每當你感受到負面情緒時，其實同時都係度一次次咁重溫緊老公對一個女人(可以係你)的愛意
BB 8個月大，即係最近一年有重大家庭環境轉變，多左個小朋友。會唔會BB出世後你專注在響BB度，令你老公覺得變左「孤兒仔」冇人理、同以前唔同左，或者冇以前咁甜密，所以先對外搵「初戀感覺」？
男人同女人唔同，大部份女人由大肚開始已準備好做媽咪，BB出世就自動投入左。但好多男人係適應唔到，以為生個B出黎仲可以繼續享受返之前生活冇改變。當發現老婆由原本以佢為中心，變左萬事以B為先，可能會覺得受冷落而「受傷」。
如果因為咁，佢可能只係享受尋求返戀愛感覺，想要人關心，依家對個女同事既可能只係錯覺。起碼佢仲知有頭家，冇進一步動作，如果係咁，係咪真係唔可以原諒呢？
橫掂BB由屋企人湊住，不如試下兩人放一個短假，做返以前拍拖會做既事，雖然唔可以去旅行，但可以煮下飯仔、行下海邊、傾下計，睇下會唔會令佢醒覺返？
10個讚
雖然冇咩建議比你, 不過, 衷心祝你一家人可以齊齊整整, 幸幸福福生活。
也祝願這位女同事可以同男友順順利利拉埋天窗。
係呀
讚成去旅行
當年就係咁樣先冇事
但先決條件係唔可以發脾氣
金石良言
發脾氣冇用㗎
無錯，發脾氣令佢覺得「你變左」、「好難溝通」、「點解人地會咁溫柔」。記住溫柔就是力量，要令佢覺得係佢唔岩，你願意比機會佢，同埋要令佢覺得「好在冇出軌」。
9個讚
佢單戀人，咁你真係冇乜嘢可以做
唔好成日諗住，盞自己唔開心，搵其他野做下分散注意力
唔好發脾氣唔好黑口黑面呀
1個讚
我完全明白樓主心裡有條刺，
我都係過來人，都兩年，我都未放得低
樓主同老公協議咗唔再講，但又拎返出嚟，咁樣做等於趕走老公一樣…
3個讚
我覺得只係單戀，佢又冇行動，唔至於搞到離婚呀
至於講唔講，好睇你地平時相處模式，如果都習慣坦誠溝通嘅，我會拎出嚟講，但要小心啲，畀佢知道只係想溝通同表達自己感受，唔好輕易入咗控訴mode，唔好提bb，唔好特登講啲引佢內咎嘅嘢
不過如果畀佢知道你睇佢手機佢會唔會發難？
1個讚
首先你唔好再提，因為單戀人係佢失敗嘅回憶，係無面嘅事。
而你每當佢係屋企掛住個女仔嘅時候，(方法一)你要若無其事同BB玩，玩到BB卡卡聲笑，就會引到佢返黎現實，而BB嘅笑聲，可以提醒佢屋企係快樂同開心，(方法二)你要扮開唔到樽或其他小事，搵佢幫手，然後笑全住攬住佢話佢好叻，可以比番D成功感比佢，慢慢你就可以幫佢忘記個女仔。
7個讚
可唔可以hi下邊問下佢，睇佢咩反應
或者問點解你唱呢d歌既？
睇下佢咩反應
認同，要走嘅就唔需要嘈，瀟灑地走。
覺得仲有得挽回，想繼續行落去就要好好溝通同了解，為將來條路努力。